الاسبوع الي طاف وتحديدا يوم الاثنين كان لي موعد مع لوفات بالاشتراك لمدة شهر
لغذاء صحي متكامل
توجهت لمكانهم بمنطقة بنيد القار مجمع املاك الدور الثامن
اول ما وصلت
كانت الاستقبال جدا راقي الصراحة
ولاني اول مرة اكون معاهم قدمو لي استماره تسجيل
خذيتها وقعدت بهذا المكان
وانا اعبي الاستماره قعدت اطالع الوان مركز لوفات واايد مريح وشرح وخاصة انه المكان على البحر وكان الفيوو عجيب
كملت استمارتي وقدمتها وطلبو مني ادخل على الدكتورة الاء احمدي
اول ما دخلت انصدمت عبالها وحدة متينة وتحتاج فعلا تخسيس
قعدت اسولف معاها وانه نظامي الغذائي جدا سيئ
وساعات من كثرة الضغوط عادي اكل وجبتين باليوم واكتفي فيها لليوم الاخر
وانه نظامي كله خرابيط
المهم وصلت الحين انه تاخذ قياساتي والله يستر
قالت لي فعلا تحتاجين نظام غذائي متكامل شامل وصحي
قلت لها وهذا اهو المطلوب من اشتراكي
وبعدين خذت لي صورة عشان تشوف الفرق بين الزيارات
والحين نروح ونتجهه لغرفة اخرى يتم قياسة نسبه الدهون والوزن ونسبة الماء بالجسم
طلعت الدنيا معفوسة عندي والتخربط بااين من النتيجه
اوكي عطتني بااور واني اساعد نفسي على تنظيم غذائي من خلال اتباع جدول غذائي صحي
تقدمه لي لوفات من خلال الوجبات الصحية والاساسية التي تشمل 3 وجبات رئيسيه
يتم ارسالها للبيت من خلال صندوق لوفات في كل صباح
اختارت لي الدكتورة الاء الوجبات باليوم الاول
وبعد ما خلصت قدمت لي كتاب صغير للمواعيد
وحبيت هالكتاب فية المواعيد وفية خطوات ذكيه لتناول الطعام خارجا
وفيه جدول مقاسات الجسم ومصادر الطعام والكميات التي يجب تناولها والاهم جدول معلومات الغذاء
وااايد حبيت طريقة العرض في الكتاب
وبعد ما خلصت تشكرت منها ووعدتها ان اللتزم بالشروط الغذائيه واحافظ على اعادة توزان بناء جسم صحي
وبعدين قعدت اختار وجباتي بنفسي
واخر شي شفت الاعلان التشجيعي لمشتركينهم واهو
واستفسرت عن الاقسام الي عندهم
-
لوفات لايف ستايل
-
. لوفات جونيورز دايت سنتر
-
. لوفات الجمعيات .
-
برامج لوفات للتغذية المدرسية. مطاعم لوفات .
وبالنهاية احب اشكر كل من الاخت والصديقة امل اللهالي والدكتورة الاء وطاقم لوفات على روحهم واستقبالهم الراقي
وان شاءالله مع الايام القادمة سوف اعرض لكم وجباتي وشنو الي حبيتة وشنو الي ما حبيته